عرب بلادنا .. ولاعليكم اماره

أول شي عاصمة هولندا امستردام

وأول امرأه دخلت الاسلام هي خديجه بنت خويلد رضي الله عنها

هههههههه الحمدلله أنا مب من النوع اللي ذكرتيهم في الموضوع


والله كلامج صح الحين أغلب الشباب في هالزمن من النوع اللي ذكرتيهم الا مارحم ربي



بصراحه نادر جدا مانلقى شاب خليجيـ بالصفـات المذكوره:

1- التحدث بطريقه لبقه مهذبـه( بليّا ان تكون له مصلحه)!
2- غض البصر سواء ف النت او خارجه ( رقابه ذاتيه مب خوف من الغير)!
3-التحاور بطريقه حضاريـــه تنم عن فكر واعي( في كل الحالات!!
4- التفكير بطريقـه سليمه تنم عن نظره ثاقبه,,~*

في حد يتكلم عني؟؟؟ هههههههههههه



ليش ثقافة الشباب تنحصر في هالاشياء اللي طرحتها من خلال الموضوع ؟
أعتقد أن هالشي يعتمد ع البيئه اللي تربى فيها الشاب وهو صغير وهاي مسؤلية الآباء والامهات

- ليش ما عندنا شباب مثقفه بتفكيرها وارائها .. بشكل عام ؟
الثقافه ماتيي الا بالقرايه واللي مايحب يقرا مايقدر يتعلم ويوسع دائرة معارفه ومعلوماته
وبعد أحمل الاهل المسؤليه لأنهم مايشجعون الابناء ع القرايه والتعلم ولاينصحونهم بالقرايه ولايوفرون
لهم الكتب المفيده ولما يطلع الولد غبي ومايعرف شي يقولون على من طالع هالولد؟؟؟ ولا كأنهم السبب!!!!

- هل سببه ان معظم الشباب مب مكملين دراستهم ؟
صحيح أن الدراسه لها دور بهالشي لكن هذا مب السبب الرئيسي
لأن في ناس جامعيين لما تسألهم أسئله عامه وبسيطه تنصدم أنهم مايعرفون شي(البعض مب الكل)
وفي ناس ماعندهم الا الاعداديه بس تعال كلمهم ماشاء الله عليهم تحس أنهم ناس فاهمين وواعيين(بعضهم مب كلهم)
أعتقد أن موضوع الثقافه يعتمد ع الشخص نفسه اذا يحب يقرا ويتعلم أو مايحب هالشي ومايعتمد على شهادته


هذا رايي المتواضع..


وتسلمين أختي ع الطرح الرااقي

والله يعطيج العافيه ولايحرمنا مواضيعج المميزه


وننتظر ابداعاتج الجديده

تحيااتي

أخوج: ذيب قطر

اي والله معاج حق اختي ..

معظم شباب هالأيام مثل ماذكرتيهم كل همهم هالسوالف البطاليهـ ..

ودايما يدورون الاشياء السلبيه للغرب ويقلدونهم ومايطالعون الجانب الايجابي ..

المشكله فعلا كبيره لانه يالسين نشووف شبابنا يضيع ولا احد ينصحهم او يساعدهم ..

طبعا الاهل كل واحد لاهي بشغله والعياال ماهمهم الا الاشياء اللي ذكرتيهم ..

تسلمين اختي عالموضوع والطرح الشااامخ ..

وربي يعطيج العااافيهـ ..

وعسااج دووم عالقوووه ..